اسلام آ باد: وفاقی وزیر اطلاعات و نشریات عطا اللہ تارڑ نے کہا ہے کہ رجب طیب اردوان نے دوطرفہ دوستانہ تعلقات کو نئی بلندیوں پر پہنچایا، پاک ترک عوام باہمی تعلقات مضبوط کررہے ہیں۔ اسلام آباد میں تقریب خطاب کرتے ہوئے وفاقی وزیر عطا اللہ تارڑ نے کہا کہ رجب طیب اردوان بااصول سیاستدان ہیں، ان کے دور میں پاک ترک دوطرفہ تعلقات کو نئی جہت ملی، اور پاک ترک تعلقات مختلف شعبوں میں مضبوط ہوئے۔
انہوں نے کہا کہ ترک صدر نے اپنا معیار عوامی آدمی کے طور پر منوایا ہے، وہ ایک عوامی آدمی ہونے کے ساتھ ایک بہترین منتظم بھی ہیں۔ عطا اللہ تارڑ نے کہا کہ بطور مئیر استنبول انہوں نے ایک بہترین وراثت چھوڑی، وہ مسلم امہ کے مضبوط رہنما ہیں۔
