خیبرپختونخوا کے اورکزئی میں خوارج کے حملے میں اورکزئی اسکاؤٹس کے 4 اہلکار شہید ہوگئے۔
پولیس کے مطابق اورکزئی غنڈہ میلہ پوسٹ کے قریب خوارج کے گاڑیوں پر فائرنگ سے اورکزئی اسکاؤٹس کے 4 اہلکار شہید ہوگئے۔
پولیس ذرائع کے مطابق فورسز کی جوابی فائرنگ سے 4 خوارج بھی مارے گئے۔ شہدا میں سپاہی راحت خان، سپاہی عشرت، سپاہی ثناء اللہ، حوالدار نصیب شامل ہیں۔ فورسزکی جانب سے علاقے میں آپریشن جاری ہے ۔
