چین کی بلند ترین سڑک پر سائیکل ریس، سطح مرتفع کا ماحولیاتی حسن اجاگر

’ٹور آف میگنی فیسنٹ چھنگ ہائی‘ چین کی شمال مغربی سطح مرتفع پر واقع صوبہ چھنگ ہائی میں منعقد ہونے والی ایک عالمی سڑک سائیکلنگ ریس ہے۔ اس ریس کو پہلے ٹور آف چھنگ ہائی لیک کہا جاتا تھا۔ رواں برس یہ ریس 6 جولائی کو شروع ہوئی جو 13 جولائی تک جاری رہے گی۔

یہ ریس پہلی بار سال 2002 میں منعقد ہوئی تھی۔ اب اسے ایشیا کی نمایاں ترین بلند سطح کی سڑک سائیکلنگ ریسوں میں شمار کیا جاتا ہے۔ اس ریس کا مقام 3000 میٹر کی اوسط بلندی پر ہے جبکہ راستہ متنوع اور چیلنج سے بھرپور ہے۔

پیر کے روز ریس کے دوسرے مرحلے میں سائیکلسٹوں نے  ایک تھکا دینے والا 151 کلومیٹر طویل سفر طے کیا جس میں دو مشکل ترین چڑھائیاں شامل تھیں۔

ساؤنڈ بائٹ 1 (انگریزی): الیگزینڈر سالبے، سائیکلسٹ،  لِی نِنگ اسٹار ٹیم

"میرا خیال ہے کہ آج (پیر کے روز) میں اپنے ساتھی کے لئے معاون کا کردار ادا کروں گا۔ مجھے لگتا ہے کہ آج کا دن مجموعی درجہ بندی کے لئے بہت اہم ہے۔یہ مرحلہ واقعی بہت سخت ہے اور اس میں چند نہایت مشکل چڑھائیاں شامل ہیں۔ خاص طور پر وہ پہلی چڑھائی جس کا ہمیں سامنا ہوگا۔ میں نے یہ ریس گزشتہ سال بھی کی تھی اور جانتا ہوں کہ اسے مکمل کرنا بہت مشکل ہوگا۔ اس لئے میرا کام شاید یہ ہو گا کہ چڑھائی شروع ہونے سے پہلے اپنے ساتھی کو ایک اچھی پوزیشن دوں اور پھر خود بھی مقابلے میں جتنا ممکن ہو  بہتر انداز میں آگے بڑھوں۔”

سال 2025 کے ایڈیشن میں 8 مراحل شامل ہیں جن کا مجموعی فاصلہ 1400 کلومیٹر ہے۔ 11 ممالک اور خطوں سے تعلق رکھنے والے 150 سے زائد پیشہ ور سائیکلسٹ اس ریس میں شریک ہیں۔

یہ ریس محض ایک سائیکلنگ ایونٹ ہی نہیں بلکہ صوبہ چھنگ ہائی کے لئے ماحولیاتی تحفظ، ثقافتی سیاحت اور دیہی بحالی کی کوششوں کو اجاگر کرنے کا ایک اہم پلیٹ فارم بھی ہے۔

ساؤنڈ بائٹ 2 (چینی): شے شیاو لِنگ، ڈائریکٹر، بیورو آف کلچر، اسپورٹس، ٹورازم، ریڈیو اینڈ ٹیلی ویژن، ضلع ہائی یان

"چھنگ ہائی جھیل کے شمالی کنارے پر واقع ہائی یان ضلع کئی برسوں سے ٹور آف چھنگ ہائی لیک کا ایک اہم مرحلہ رہا ہے۔ اس عالمی ایونٹ کے مسلسل اثرات کے نتیجے میں ضلع میں کھیلوں اور ثقافتی سیاحت کے شعبوں کے درمیان تعلق میں مسلسل اضافہ ہوا ہے۔ یہاں تفریحی سائیکلنگ نے تیزی سے فروغ پایا ہے۔

اعداد و شمار کے مطابق اس وقت ضلع میں 16 سائیکلنگ کلبز اور تقریباً 12000 سائیکلیں موجود ہیں۔ سائیکلنگ کی سیاحت کے فروغ نے مختلف مقامی صنعتوں کے کئی شعبوں میں کھپت کو بڑھایا ہے۔آئندہ کے لئے ہمارا ارادہ ہے  کہ مزید ایسے دلکش منصوبے تیار کئے جائیں جو سائیکلنگ کو ثقافت، ماحولیات اور تعلیمی تجربات کے ساتھ جوڑیں۔ اس طرح چھنگ ہائی جھیل کے گرد سائیکلنگ کی کہانی کو  زیادہ وسیع حلقے  تک پہنچایا جا سکتا ہے۔”

شی نِنگ، چین سے شِنہوا نیوز ایجنسی کے نمائندوں کی رپورٹ

۔۔۔۔۔۔۔۔۔۔۔

ٹیکسٹ آن سکرین:

چین میں دنیا کی بلند ترین سڑک پر سائیکلنگ ریس کا انعقاد

ریس کا مقام سطح سمندر سے 3000 میٹر سے زائد بلند تھا

’ٹور آف میگنیفیسنٹ چھنگ ہائی‘ ریس 1400 کلومیٹر پر مشتمل تھی

11 ممالک کے 150 سے زائد کھلاڑی ایونٹ میں شریک ہوئے

سخت ترین چڑھائیاں کھلاڑیوں کے لیے بڑی آزمائش بن گئیں

ریس سےماحولیات کے تحفظ اور ثقافتی سیاحت کو فروغ ملاہے

ضلع ہائی یان میں تفریحی سائیکلنگ تیزی سے مقبول ہو رہی ہے

سائیکلنگ کی سیاحت نے مقامی صنعتوں کو فائدہ پہنچایا ہے

چھنگ ہائی جھیل کے گرد نئے سیاحتی منصوبے زیر غور ہیں