اسلام آباد: اسلام آباد میں شدید بارشوں کے سبب فلائٹ آپریشن متاثر ہوگیا، متعدد فلائٹس متبادل شہروں میں اتارلی گئیں۔حکام کے مطابق دبئی سے اسلام آباد کیلئے غیر ملکی ایئر لائن کی پرواز ایف زیڈ 353 کو سیالکوٹ موڑا گیا۔ قومی ایئرلائن کی العین سے اسلام آباد کی پرواز کی سیالکوٹ میں لینڈنگ کروائی گئی۔
ریاض سے اسلام آباد کی نجی ایئر لائن کی پرواز کی اسلام آباد کے بجائے فیصل آباد میں لینڈنگ کروائی گئی۔ اسلام آباد سے لندن، دبئی، دوحا، باکو، مسقط جانے والی پروازوں کی روانگی تاخیر کا شکار ہے۔ حکام کے مطابق اسلام آباد سے ریاض، ابوظہبی، استنبول، کویت اور کراچی کی پروازیں بھی تاخیر کا شکار ہیں۔
