برطانیہ نے پاکستانی ایئر لائنز پر عائد پابندیاں ختم کر دیں۔برطانوی ہائی کمیشن نے جاری بیان میں کہا ہے کہ پاکستانی ایئر لائنز اب برطانیہ کیلئے پروازوں کی درخواست دے سکتی ہے۔برطانوی ہائی کمیشن کے مطابق ایئرلائنز کو پروازوں کیلئے یو کے سی اے اے سے اجازت لینا ہوگی۔برطانوی ہائی کمشنر جین میریٹ نے کہا کہ پاکستان کا سیفٹی لسٹ سے اخراج آزاد اور تکنیکی عمل کے تحت ہوا، میں پاکستانی ایئر لائنز سے سفر کی منتظر ہوں۔ انہوں نے کہا کہ پاکستان کے ساتھ فضائی رابطوں میں بہتری خاندانوں کے ملاپ میں مدد دے گی۔
