حکومت نے بجٹ میں چینی درآمد پر دی گئی چھوٹ واپس لینے پر غور شروع کردیا۔ ذرائع کے مطابق آئی ایم ایف نے چینی درآمد پر ٹیکس چھوٹ پر تحفظات کا اظہار کرتے ہوئے کہا ہے کہ ایسے اقدامات سے 7ارب ڈالر قرض پروگرام متاثر ہونے کا خدشہ ہو سکتا ہے جس کے بعد حکومت نے چینی کی درآمد پر دی گئی ٹیکس چھوٹ واپس لینے پر غور شروع کر دیا ہے ۔ذرائع کے مطابق چینی درآمد کا فیصلہ مکمل طور پر ختم کئے جانے کا بھی امکان ہے، نجی شعبے کیلئے دی گئی ٹیکس چھوٹ کی واپسی پر بھی غور کیا جارہاہے۔
