راولپنڈی: ترجمان پاک فوج لیفٹیننٹ جنرل احمد شریف چودھری ہلال امتیاز (ملٹری)نے یونیورسٹی آف آزاد جموں و کشمیر مظفر آباد کا دورہ کیا اور طلبہ سے خصوصی ملاقات کی۔
ذرائع کے مطابق کشمیری طلبہ نے روایتی انداز میں ڈی جی آئی ایس پی آر کو خوش آمدید کہا اس موقع پر طلباء اور اساتذہ کیساتھ سوال و جواب کی خصوصی نشست کا بھی انعقاد کیا گیا۔
طلباء نے کہا کہ کشمیر پاکستان کی شہ رگ ہے اور ہم کشمیر ہر حال میں لے کر رہیں گے ،پاکستان اور کشمیر کو کوئی جدا نہیں کر سکتا۔
طلباء نے بھارتی جارحیت کا منہ توڑ جواب دینے پر پاک فوج کو خراج تحسین پیش کیا۔
