سعودی عرب نے ایران پر اسرائیلی حملوں کی شدید مذمت اور اظہارِ افسوس کرتے ہوئے کہا ہے کہ یہ حملے کھلی جارحیت اور ایران کی خود مختاری اور سلامتی کے خلاف ہیں،بین الاقوامی قوانین و ضوابط کی صریح خلاف ورزی شمار ہوتے ہیں۔
جمعہ کو سعودی وزارتِ خارجہ نے ایک بیان میں کہا ہے کہ سعودی عرب ان بھیانک حملوں کی مذمت کرتے ہوئے اس امر پر زور دیتا ہے کہ عالمی برادری اور اقوامِ متحدہ کی سلامتی کونسل پر یہ ذمہ داری عائد ہوتی ہے کہ وہ ان حملوں کو فوری طور پر روکنے کے لیے موثر اقدام کرے، ایران کے برادر عوام کے خلاف اسرائیل کی کھلی جارحیت کی سخت ترین الفاظ میں مذمت کرتے ہیں، اس لیے کہ یہ حملے ایران کی خود مختاری اور سلامتی کو مجروح کرتے ہیں۔
