یوکرین اور روس نے قیدیوں کے تبادلے کا پہلا مرحلہ مکمل کرلیا

رہا کئے جانےوالےیوکرینی بس کے ذریعے یوکرین واپس آ رہے ہیں۔(شِنہوا)

کیف/ماسکو(شِنہوا)یوکرین اور روس نے استنبول میں گزشتہ ہفتے طے پانے والے معاہدوں کے بعد قیدیوں کے تبادلے کا پہلا مرحلہ مکمل کرلیا۔ یہ بات یوکرین کے جنگی قیدیوں کے علاج کے لئے رابطہ ہیڈ کوارٹرز نے بتائی۔

روسی وزارت دفاع نے ایک بیان میں کہا کہ کیف کے زیر کنٹرول علاقے سے 25 سال سے کم عمر روسی فوجیوں کا پہلا گروپ واپس آگیا ہے۔

بیان میں مزید کہا گیا ہے کہ یوکرینی فوج کے بھی تقریباً اتنے ہی جنگی قیدیوں کو منتقل کیا گیا ہے۔

روسی صدر کے معاون ولادیمیر میڈنسکی کے مطابق استنبول میں 2 جون کو ان کے مذاکرات کے آخری دور میں روس اور یوکرین نے ’’آل فار آل‘‘ تبادلے پر اتفاق کیا تھا جس میں شدید بیمار اور زخمی قیدیوں کے ساتھ ساتھ 25 سال سے کم عمر کے فوجی بھی شامل تھے۔

یوکرینی ایجنسی نے کہا کہ یوکرینی فوجیوں کی لاشوں کو وطن واپس لانے کی کوششیں جاری ہیں۔