انڈونیشیا کے دارالحکومت جکارتہ میں چینی وزیراعظم لی چھیانگ انڈونیشیا کے ایوان نمائندگان کی سپیکر پوان مہارانی سے ملاقات کررہے ہیں-(شِنہوا)
جکارتہ(شِنہوا)چین کے وزیراعظم لی چھیانگ نے کہا ہے کہ چین نے ہمیشہ اپنے ہمسایہ سفارتکاری میں انڈونیشیا کو ترجیح دی ہے۔
لی چھیانگ نے یہ بات انڈونیشیا کے ایوان نمائندگان کی سپیکر پوان مہارانی کے ساتھ اپنی بات چیت کے دوران کہی۔ انہوں نے کہا کہ چین انڈونیشیا کے ساتھ ہمہ جہت تزویراتی تعاون کو مضبوط بنانے اور ایک دوسرے کے بنیادی مفادات اور اہم خدشات کی بھرپور حمایت کرنے کا خواہاں ہے۔
انہوں نے کہا کہ دونوں ممالک کے صدور کی تزویراتی رہنمائی میں چین۔ انڈونیشیا تعلقات میں مسلسل اور مضبوط ترقی دیکھنے میں آئی ہے۔
لی چھیانگ نے کہا کہ موجودہ غیر مستحکم بین الاقوامی صورتحال کا سامنا کرتے ہوئے دونوں ممالک کو متحد اور قریبی تعاون کرنا چاہیے جو نہ صرف جدیدیت کے اپنے متعلقہ اسباب کو فروغ دینے کی عملی ضرورت ہے بلکہ خطے اور دنیا بھر میں امن اور ترقی کو فروغ دینے کے لئے بھی سازگار ہے۔
انہوں نے کہا کہ چین انڈونیشیا کے ساتھ روایتی دوستی کو آگے بڑھانے اور سیاست، معیشت، عوامی اور ثقافتی تبادلے، بحری امور اور سلامتی کے "پانچ ستونوں” میں تعاون کو مستحکم کرنے کے لئے بھی تیار ہے تاکہ دونوں ممالک کے عوام کو زیادہ سے زیادہ فوائد حاصل ہوں۔
چینی وزیراعظم نے کہا کہ چینی فریق انڈونیشیا کے ساتھ اپنے قانون ساز اداروں کے مابین دوستانہ تبادلوں اور بین الجماعتی تعاون کو مضبوط بنانے کے لئے کام کرنے کا خواہاں ہے اور پالیسی رابطوں اور نظم ونسق کے تجربات کے تبادلے کو فروغ دینے کے لئے تیار ہے، انہوں نے دونوں فریقوں پر زور دیا کہ وہ اپنی دوستی کے مقصد سے زیادہ سے زیادہ کامیابیاں حاصل کریں۔
اس موقع پر سپیکر پوان مہارانی نے کہا کہ قانون ساز اداروں کے درمیان تبادلے دوطرفہ تعلقات کو بڑھانے اور انڈونیشیا اور چین کے عوام کے درمیان دوستی کو مضبوط بنانے میں اہم کردار ادا کرتے ہیں۔
انہوں نے ایک چین کے اصول پر انڈونیشیا کے ایوان نمائندگان کے پختہ عزم کا اعادہ کرتے ہوئے اس امید کا اظہار کیا کہ دونوں ممالک کے درمیان سفارتی تعلقات کی 75 ویں سالگرہ اور اس سال بان ڈونگ کانفرنس کی 70 ویں سالگرہ ماضی کی کامیابیوں کو آگے بڑھانے اور نئی پیشرفت کے لئے جدوجہد کرنے کا ایک اہم موقع کے طور پر کام کرے گی۔
