وزارت داخلہ نے ڈی پورٹ افراد کا پاسپورٹ منسوخ ، مقدمہ درج کرنے کا فیصلہ کرلیا ۔ ہفتے کو وفاقی وزیر داخلہ محسن نقوی کی زیر صدارت اجلاس ہوا جس میں وزیر مملکت برائے داخلہ طلال چودھری، سیکرٹری داخلہ، ڈی جی ایف آئی اور ڈی جی پاسپورٹ نے شرکت کی۔اجلاس میںپاسپورٹ قوانین کو مزید سخت ،بہتر بنانے کیلئے وفاقی سیکرٹری داخلہ کی سربراہی میں کمیٹی قائم کی گئی۔
اجلاس میں ڈی پورٹ افراد کیخلاف ایف آئی آر کے اندراج اور پاسپورٹ منسوخی کا فیصلہ کیا گیا، ڈی پورٹ افراد کو پانچ سال کیلئے پاسپورٹ کنٹرول لسٹ پر بھی ڈالا جائے گا۔اس موقع پر وزیر داخلہ محسن نقوی نے کہا کہ ڈی پورٹ ہونے والے افراد پاکستان کیلئے بین الاقوامی سطح پر شرمساری کا باعث بن رہے ہیں، آئندہ ان سے کوئی رعایت نہیں برتی جائے گی۔
