امریکی اعانت سے چلنے والی کمپنیوں کا چین کے ساتھ تعاون کو فروغ دینے کا خیرمقدم کرتے ہیں، نائب وزیراعظم

چین کے نائب وزیراعظم حہ لی فینگ جے پی مورگن چیز کے بورڈ کے چیئرمین اور چیف ایگزیکٹو آفیسر جیمی ڈیمن سے بیجنگ میں ملاقات کر رہے ہیں۔ (شِنہوا)

بیجنگ(شِنہوا)چین کے نائب وزیراعظم حہ لی فینگ نے کہا ہے کہ چین امریکی مالی اعانت سے چلنے والے اداروں کا چین کے ساتھ باہمی فائدہ مند تعاون مسلسل مضبوط بنانے اور چین- امریکہ اقتصادی و تجارتی تعلقات کی صحت مند، مستحکم اور پائیدار ترقی میں مسلسل کردار کا خیرمقدم کرتا ہے۔

چین کے نائب وزیراعظم اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن نے یہ بات جے پی مورگن چیز کے بورڈ کے چیئرمین اور چیف ایگزیکٹو آفیسر جیمی ڈیمن سے ملاقات کے دوران کہی۔

نائب وزیراعظم نے کہا کہ چین اور امریکہ کے درمیان اقتصادی اور تجارتی مذاکرات میں خاطر خواہ پیشرفت ہوئی ہے جس سے دونوں ممالک کے لئے معاشی اور تجارتی تعاون جاری رکھنے کے حالات پیدا ہوئے ہیں۔

انہوں نے کہا کہ چین ایک متحدہ قومی منڈی کی تعمیر اور ترقی کا ایک نیا نمونہ تشکیل دینے کی کوششیں کر رہا ہے اور بیرونی دنیا کے لئے اپنے اعلیٰ سطح کی وسعت کا فروغ جاری رکھے گا۔

امریکہ۔ چین اقتصادی اور تجارتی مذاکرات کے نتائج کے بارے میں مثبت بات کرتے ہوئے  ڈیمن نے کہا کہ جے پی مورگن چیز چین کی سرمائے کی منڈی میں اپنی شمولیت کو  مزیدمستحکم کرے گا اور بین الاقوامی کمپنیوں کو چین میں کاروبار کرنے اور چینی کمپنیوں کو بیرون ملک ترقی دینے میں بہتر خدمات فراہم کرے گا۔