امریکی پالیسی کے باعث عالمی تجارت میں غیر یقینی صورتحال

سوئس چینی چیمبر آف کامرس کے صدر رابرٹ ویسٹ کے شِنہوا کو دیے گئے انٹرویو کے مطابق  امریکا کی محصولات پر مبنی تجارتی پالیسی عالمی سطح پر غیر یقینی صورتحال پیدا کر رہی ہے اور یہ عالمی تجارت سے متعلق ایک محاذ آرائی کی حکمت عملی کے طور پر سامنے آ رہی ہے۔

’ویسٹ‘ کے مطابق، امریکا نے ضرورت سے زیادہ صنعتی انفراسٹرکچر کو ختم کر دیا ہے اور اب وہ روزگار اور صنعتی پیداوار واپس لانے کے لیے محصولات جیسے "سخت اور غیر مؤثر” اقدامات کا سہارا لے رہا ہے۔

ساوٴنڈ بائٹ (انگریزی): رابرٹ ویسٹ، صدر، سوئس-چینی چیمبر آف کامرس

"اصل میں یہ معاملہ اس اعتراف سے جڑا ہوا ہے کہ امریکا نے اپنی صنعتی بنیاد کو حد سے زیادہ کمزور کر دیا ہے اور جیسا کہ ہم سب جانتے ہیں محصولات ایک سادہ مگر سخت طریقہ ہے جس کے ذریعے وہ صرف روزگار واپس لانے کی نہیں بلکہ اپنی کھوئی ہوئی صنعتی طاقت کو بحال کرنے کی بھی کوشش کر رہا ہے۔ لیکن جس انداز اور لہجے میں یہ سب کیا جا رہا ہے، وہ مؤثر نہیں لگتا۔

کیونکہ سو دن گزرنے کے بعد بھی غیر یقینی صورتحال میں کمی کے بجائے اضافہ ہوا ہے اور امریکا نے صرف اپنے اتحادیوں کو نہیں بلکہ اپنے بڑے تجارتی شراکت داروں کو بھی ناراض کر دیا ہے۔

امریکا چاہتا تو اپنے اتحادیوں اور شراکت داروں کے ساتھ بیٹھ کر بات کر سکتا تھا، اور کہہ سکتا تھا کہ “یہ طریقہ میرے لیے مؤثر ثابت نہیں ہو رہا۔ کیا ہم سب مل کر قرضوں کے توازن کا کوئی بہتر حل نکال سکتے ہیں؟” میرے خیال میں یہی زیادہ مناسب طریقہ ہوتا۔”

جنیوا،سوئٹزرلینڈ سے نمائندہ شِنہوا نیوز ایجنسی کی رپورٹ