کمبوڈیا کے صوبے سیم ریپ میں واقع سیم ریپ بین الاقوامی ہوائی اڈے پر کمبوڈیا کے وزیر سیاحت ٹوپ سوفیک (درمیان میں) ایک چینی پائلٹ کو پھول پیش کر رہے ہیں۔(شِنہوا)
نوم پنہ (شِنہوا) کمبوڈیا میں 2025 کی پہلی سہ ماہی کے دوران چینی سیاحوں کی آمد میں 50.6 فیصد اضافہ ہوا۔
کمبوڈیا کی وزارت سیاحت کی جمعہ کےروز جاری کردہ ایک رپورٹ کے مطابق رواں سال جنوری سے مارچ کے دوران جنوب مشرقی ایشیائی ملک میں مجموعی طور پر2 لاکھ86ہزار156 چینی سیاح آئے جو گزشتہ برس کی اسی مدت کے 1 لاکھ 89 ہزار 961 کےمقابلے میں 50.6 فیصد زیادہ ہے۔
رپورٹ میں مزید کہا گیا کہ کمبوڈیا میں مجموعی طور پر 18 لاکھ 30 ہزار غیرملکی سیاح آئے تھے جن میں 15.6 فیصد چینی سیاح تھے۔ تھائی لینڈ اور ویتنام کے بعد چین یہاں آنے والے غیر ملکی سیاحوں کا تیسرا بڑا ذریعہ تھا۔
بحرالکاہل ایشیا ٹریول ایسوسی ایشن کمبوڈیا شاخ کے چیئرمین تھورن سینان نے کہا کہ چینی سیاح کمبوڈیا کی سیاحتی صنعت کے لئے انتہائی اہم ہیں۔
انہوں نے شِنہوا کو بتایا کہ سیاحتی شعبے میں کمبوڈیا اور چین کے درمیان موجودہ تعاون امید افزا ہے اور چینی سیاحوں کی بڑھتی ہوئی تعداد ہماری معیشت میں نمایاں کردار ادا کر رہی ہے۔
