پولیس ذرائع کے مطابق لاہور میں والٹن روڈ کے قریب بھارتی جاسوس ڈرون گرادیا گیا، 5 سے 6 فٹ کی پیمائش کا ڈرون سرحد پار سے آپریٹ کیا جارہا تھا۔
پولیس ذرائع کا کہنا تھا کہ ڈرون کو سسٹم جام کرکے گرایا گیا، بھارتی ڈرون حساس مقامات کی جاسوسی کے لیے اڑایا گیا تھا۔
دھماکا خیز مواد رکھنے والا ڈرون عمارت کے بالکل قریب پہنچ چکا تھا، بھارتی ڈرون حساس مقامات کی جاسوسی کے لیے اڑایا گیا تھا۔
اس سےقبل پولیس کا کہنا تھا کہ والٹن روڈ پر زوردار دھماکے کی آواز سنی گئی، دھماکے کی نوعیت کا تعین کررہے ہیں۔
دوسری جانب وادی نیلم کے جورا سیکٹر پر رات گئے بھارتی فوج کی جانب سے بلااشتعال گولہ باری کی گئی۔ جورا سیکٹر کے علاقے چلہانہ اور نوسیری میں بھی گولہ باری کی اطلاعات ہیں، گولہ باری سے شہریوں میں خوف وہراس پھیل گیا، محفوظ پناہ گاہوں میں منتقل ہوگئے، پاک فوج کی مؤثرجوابی کارروائی کے بعد دشمن کی توپیں خاموش ہوگئیں۔
