پاکستان ڈرامہ و فلم انڈسٹری کے نامور سینئر اداکار فیصل رحمن نے کہا ہے کہ میں بھارتیوں سے کہنا چاہتا ہوں چھوڑو جنگ، جنگ میں کیا رکھا ہے اور اگر جنگ ہو بھی گئی تو میں نے چائے تیار کر کے رکھی ہوئی ہے، سنا ہے بھارتیوں کو چائے بہت پسند ہے۔
انسٹاگرام پر اپلوڈ کیے گئے اپنے ویڈیو پیغام میں اداکار نے کہا کہ فیصل رحمن نے کہا کہ میں اس وقت صرف دو ڈھائی کلو میڑ دور بیٹھا ہوں، یہاں سے بھارتیوں کی سرحدی رکاوٹیں بھی نظر آرہی ہیں، ایک طرف بھارتی گاوں جامن ہے اور دوسری جانب پاکستانی گاوں بیدیاں ہے ،میں یہاں جنگ کا ماحول دیکھنے آیا تھا مگر یہاں تو ہو کا عالم ہے، دور دور تک جنگ کی کوئی خبر نہیں ہے، یہاں کوئی آواز کوئی مہم جوئی کے آثار نظر نہیں آ رہے ہیں بس ٹیوب ویل کی آواز ہے۔ واضح رہے پاک بھارت کشیدگی کے درمیان اداکار فیصل رحمن نے خود پاک بھارت سرحد کا دورہ کیا ہے۔
