کمبوڈیا، نوم پنہ میں چینی صدر شی جن پھنگ کمبوڈیا کے بادشاہ نوردوم سیہامونی سے مصافحہ کررہے ہیں۔ (شِنہوا)
نوم پنہ (شِنہوا) چینی صدر شی جن پھنگ نے کہا ہے کہ یکطرفہ اقدامات اور تسلط پسندی کو عوام کی تائید حاصل نہیں ہوتی جبکہ تجارتی جنگیں کثیر الجہتی تجارتی نظام کو نقصان پہنچاکر عالمی اقتصادی نظام کو متاثر کرتی ہیں۔
شی نے یہ بات جمعرات کے روز کمبوڈیا کی پیپلز پارٹی کے صدر اور سینیٹ کے صدر سمدیچ ٹیکو ہن سین سے ملاقات میں کہی۔
انہوں نے تمام ممالک سے در خواست کی کہ وہ متحد ہو کر قومی سلامتی اور ترقی کی باگ دوڑ اپنے ہاتھ میں رکھیں۔ ان کا یہ بھی کہنا تھا کہ چین اپنے ہمسایہ ممالک کے ساتھ سفارتی تعلقات میں تسلسل اور استحکام کو برقراررکھے گا۔
