چین کے مشرقی صوبہ شان ڈونگ کے شہر چھنگ ڈاؤ کے جیمو ضلع میں ایک اسمارٹ اسپننگ ادارے کا ملازم مکمل طور پر خودکار روونگ پیداواری لائن پر کام کر رہا ہے۔(شِنہوا)
بیجنگ (شِنہوا)وزارت صنعت و انفارمیشن ٹیکنالوجی نے کہا ہے کہ چین نے لائٹ انڈسٹری میں ڈیجیٹل تبدیلی پر عملدرآمد سے متعلق خاکہ جاری کردیا ہے۔
وزارت اور مرکزی حکومت کے دیگر دو اداروں کے مشترکہ طور پر جاری کردہ خاکے کے مطابق 2027 تک اہم لائٹ انڈسٹری کے کاروباری اداروں میں ڈیجیٹل تحقیق اور ڈیزائن کے آلات کی مقبولیت کی شرح تقریباً 90 فیصد تک پہنچ جائے گی۔
2030 تک لائٹ انڈسٹری کے بڑے کاروباری اداروں میں بڑے پیمانے پر ڈیجیٹل تبدیلی کی جائے گی جس سے وہ زیادہ ہائی ۔ اینڈ انٹیلی جنٹ اور ماحول دوست ہوجائیں گے۔
اس خاکے میں اہداف حاصل کرنے کے لئے 4 اہم اقدامات کئے جائیں گے،اس میں نیو جنریشن آئی ٹی کے ساتھ لائٹ انڈسٹری کو بااختیار بنانا، نئے کاروباری نمونوں اور اطلاق میں اختراع، اعلیٰ معیار کی صنعتی ترقی کا فروغ اور بنیادی تعاون کو مضبوط کرنا شامل ہیں ۔ ان کو مزید 15 مخصوص اقدامات میں تفصیل سے بیان کیا گیا ہے۔
2024 کے اختتام پر لائٹ انڈسٹری کے کاروباری اداروں میں ڈیجیٹل تحقیق اور ڈیزائن آلات کی مقبولیت کی شرح 84.9 فیصد تک پہنچ گئی تھی جو قومی اوسط سے 0.8 فیصد پوائنٹس زائد ہے۔
