چین ، مشرقی صوبے ژے جیانگ کے شہر تائی ژو میں شمسی توانائی (فوٹو وولٹک ) کے تعمیراتی منصوبے کا مقام دیکھا جاسکتا ہے۔ (شِنہوا)
بیجنگ (شِنہوا) چین میں فروری کے اختتام تک بجلی کی پیداواری صلاحیت 3.4 ارب کلو واٹ تک پہنچ گئی جو گزشتہ برس کی نسبت 14.5 فیصد اضافہ ہے۔
قومی توانائی انتظامیہ کے جمعرات کے روز جاری کردہ اعدادو شمار کے مطابق گزشتہ ماہ کے اختتام تک شمسی توانائی کی پیداواری صلاحیت 93 کروڑ کلو واٹ تھی جو گزشتہ برس کی اسی مدت کے مقابلے میں 42.9 فیصد زیادہ ہے۔ ہوا سے بجلی پیدا کرنے کی صلاحیت 53 کروڑ کلو واٹ رہی جو گزشتہ برس کی نسبت 17.6 فیصد بڑھی ۔
چین کے بجلی پیدا کرنے والے بڑے اداروں نے سال 2025 کے ابتدائی 2 ماہ کے دوران بجلی کے پیداواری منصوبوں میں 75.3 ارب یوآن (تقریباً 10.5 ارب امریکی ڈالر) کی سرمایہ کاری کی جو گزشتہ برس کی نسبت 0.2 فیصد اضافہ ہے۔
اسی مدت کے دوران بجلی کے گرڈ منصوبوں میں سرمایہ کاری 43.6 ارب یوآن تک پہنچ گئی جو گزشتہ برس کی نسبت 33.5 فیصد زائد ہے۔
