وزارت تجارت کے مطابق اشیا تبادلہ پروگرام کے تحت منگل تک 20 لاکھ 40 ہزار سے زائد ای بائیک فروخت ہوئیں۔ (شِنہوا)
بیجنگ (شِنہوا) چین میں منگل تک اشیا تبادلہ پروگرام کے تحت 20 لاکھ 40 ہزار نئی ای بائیکس فروخت کی گئیں، ان کے ذریعے 5.61 ارب یوآن (تقریباً 78 کروڑ 30 لاکھ امریکی ڈالر) کی آمدنی ہوئی ہے۔
وزارت تجارت نے بتایا کہ رواں سال کے آغاز سے اب تک اس پروگرام کے تحت ای بائیکس کی یومیہ فروخت کا حجم اوسطاً 27 ہزار یونٹس رہا جو گزشتہ برس سے 2.5 گنا زائد ہے۔
وزارت نے مزید کہا کہ اس مدت کے دوران 20 لاکھ سے زائد صارفین نے اس پروگرام سے فائدہ اٹھایا ہے جس میں مجموعی طور پر 1.2 ارب یوآن کی سبسڈی کی درخواستیں ملیں جو اوسطاً 610 یوآن فی کس ہیں۔
2025 کے آغاز سے اب تک اس پروگرام کے ذریعے تقریباً 50 ہزار دکانوں کو فائدہ ہوا ہے۔اس کے ساتھ اوسطاً فی اسٹور فروخت 1 لاکھ 7 ہزار یوآن بڑھ گئی۔ان دکانوں کی اکثریت انفرادی کاروبار اور چھوٹے سے مائیکرو درجے کے کاروباری اداروں کی ہے۔
وزارت کا کہنا ہے کہ ستمبر 2024 میں پروگرام کے آغاز کے بعد سے اب تک ملک بھر میں مجموعی طور پر34 لاکھ 20 ہزار ای بائیک فروخت ہوچکی ہیں۔
