برونائی کے شہر بندر سیری بیگاوان میں برونائی کے 41ویں یوم آزادی پر منعقدہ پریڈ کا ایک منظر -(شِنہوا)
بندرسری بیگاوان(شِنہوا)برونائی دارالسلام کے محکمہ امیگریشن نے کہا ہے کہ 8 مارچ سے عام پاسپورٹ رکھنے والے چینی شہری بغیر ویزا ملک میں داخل ہوسکیں گے۔
محکمہ کے مطابق عام پاسپورٹ رکھنے والے عوامی جمہوریہ چین کے شہری جن کے پاسپورٹ کی معیاد کم از کم 6ماہ ہو وہ کسی بھی مخصوص داخلہ مقام سے ملک میں داخل ہوسکتے ہیں اور بغیر ویزا 14 یوم تک قیام کر سکتے ہیں۔
فروری 2025 میں دونوں ممالک کے جاری کردہ ایک مشترکہ بیان کے مطابق برونائی چینی سیاحوں کی آمد میں اضافے کو خیرمقدم کہنے کا منتظر ہے جو باہمی تفہیم اور عوام کے درمیان مضبوط تعلقات کے فروغ میں معاون ثابت ہوگا۔
برونائی بورنیو جزیرے کے شمالی حصے میں واقع ایک جنوب مشرقی ایشیائی ملک ہے ۔ یہ سلطنت قدرتی وسائل سے مالا مال ہے اور اپنے خوبصورت قدرتی مناظر پر فخر کرتی ہے۔
