سپریم کورٹ میں سمندر پار پاکستانیوں کو ووٹ کا حق دینے سمیت دیگر کیسز سماعت کیلئے مقرر کر دیئے گئے۔
جسٹس امین الدین کی سربراہی میں 5 رکنی آئینی بنچ 14 فروری کو تمام مقدمات کی سماعت کرے گا۔
سپریم کورٹ میں سمندر پار پاکستانیوں کو ووٹ کا حق دینے کا کیس سماعت کیلئے مقرر کر دیا گیا، اوورسیز کو ووٹ کا حق دینے کیلئے بانی پی ٹی آئی عمران خان، سربراہ عوامی مسلم لیگ شیخ رشید اور داؤد غزنوی نے رجوع کر رکھا ہے۔
سندھ کے شہریوں کو صاف پانی کی فراہمی، کنٹونمنٹ کی زمینوں کے استعمال سے متعلق کیس بھی سماعت کیلئے مقرر کر دیا گیا جبکہ رحیم یار خان میں مندر پر حملے اور مسیحی برادری کیلئے عملہ صفائی کی نوکریاں مختص کرنے کا کیس بھی سماعت کیلئے مقرر کر دیا گیا ہے۔
سپریم کورٹ نے اوورلوڈڈ کمرشل گاڑیوں پر پابندی کا کیس بھی سماعت کیلئے مقرر کر دیا، عدالت نے گزشتہ سماعت پر وفاقی و صوبائی حکومتوں سے جواب طلب کیا تھا، اوورلوڈنگ کیخلاف سابق سینیٹر عباس آفریدی نے سپریم کورٹ سے رجوع کر رکھا ہے۔
