سعودی عرب نے مکہ اور مدینہ کی جائیداد میں غیرملکیوں کو سرمایہ کاری کی اجازت دے دی۔
عرب میڈیا کے مطابق غیرملکی سرمایہ کاری صرف لسٹڈ کمپنیوں کے حصص یا قابل تبدیلی قرضے تک محدود ہے۔ کیپٹل مارکیٹ اتھارٹی نے بیان میں کہا کہ یہ اقدام بیرونی سرمایہ کاری کو راغب کرنے کیلئے اٹھایا گیا ہے۔ اور اس سے دونوں شہروں میں موجودہ اور مستقبل کے منصوبوں کیلئے سرمایہ بھی حاصل کیا جاسکے گا۔
خبرایجنسی کے مطابق یہ تیل کی دولت سے مالا مال سلطنت کیلئے آمدنی کے سب سے بڑے ذرائع میں سے ایک ہے۔
