چین کے دارالحکومت بیجنگ کے بیجنگ مغربی ریلوے اسٹیشن پرموسم بہار تہوار سفر کے لئے بیجنگ سے روانہ ہونے والی ٹرین ’’ کے 4159‘‘ کی منتظر ایک بچی اپنی والدہ کے ساتھ کھیل رہی ہے۔(شِنہوا)
بیجنگ (شِنہوا) وزارت ثقافت و سیاحت نے کہا ہے کہ چین میں 2024 کے دوران مقامی سفر کے ریکارڈ 5.615 ارب دورے ہوئے جو گزشتہ برس کے مقابلے میں 14.8 فیصد اضافہ ہے۔
وزارت نے بدھ کے روز بتایا کہ مقامی سفر کرنے والے مسافروں نے سال کے دوران 57.5 کھرب یوآن سے زائد یوآن (تقریباً 790 ارب امریکی ڈالر) خرچ کئے جو 2023 سے 17.1 فیصد اضافہ ہے۔
چینی اکیڈمی برائے میکرو اقتصادی تحقیق کے ایک محقق لو وے نے کہا کہ ہوائی اڈوں والے کم ترقی یافتہ علاقے چینی مسافروں میں تیزی سے مقبول ہورہے ہیں۔
مختلف علاقوں میں بہتر بنیادی سہولیات کی فراہمی اور کم معروف مقامات کو زیادہ قابل رسائی بنانے سے پرسکون مقامات کے سفر نے زور پکڑا ہے جومنفرد تجربات کی تلاش میں نکلنے والے مسافروں کو اپنی جانب متوجہ کررہا ہے۔
مقامی سفری مارکیٹ کی ہلچل سے بڑھ کر گزشتہ سال بین الاقوامی سفر میں بھی بڑھا جس میں اندرون ملک اور بیرون ملک سیاحت دونوں میں اضافہ ہوا۔
