چین نے اسٹیم سیل ڈیٹا کے لئے دنیا کا پہلا بین الاقوامی معیار شائع کر دیا۔(شِنہوا)
نان جنگ (شِنہوا) چینی اکیڈمی برائے سائنس (سی اے ایس) اور چینی اکیڈمی برائے انجینئرنگ(سی اے ای) نے 2024 کے دوران حاصل ہونے والے دنیا کی 10 بڑی سائنس و ٹیکنالوجی کامیابیوں کا اعلان کیا جن میں انسانی دماغی ٹشو کے افعال کی 3 ڈی پرنٹنگ، دماغ کو پڑھنے والا ایک 2 لسانی آلہ اور انسانی نظر بحال کرنے کے لئے اسٹیم سیل تھراپی شامل ہیں۔
چینی اکیڈمی برائے انجینئرنگ کے نائب صدر وانگ چھن نے بدھ کے روز چین کے مشرقی صوبے جیانگسو کے صدرمقام نان جنگ میں ایک پریس کانفرنس کے دوران دنیا کی 10 بڑی سائنس و ٹیکنالوجی کامیابیاں کی فہرست پیش کی۔اسے سائنس اور انجینئرنگ کے شعبے میں ملک کے اعلیٰ قومی تعلیمی اعزازات حاصل کرنے والے چینی اکیڈمی برائےسائنس اور چینی اکیڈمی برائے انجینئرنگ کے تعلیمی ماہرین نے تیار کیا ہے۔
10بڑی کامیابیوں میں انسانی دماغی ٹشو کے افعال کی 3 ڈی پرنٹنگ، درستگی کا سنگ میل حاصل کرنے والی گوگل کی نئی کوانٹم چپ اور کائناتی نقشے کی پہلی تصویر حاصل کرنے والی یوکلڈ اسپیس دوربین شامل ہیں۔
فہرست میں سب سے بڑا دماغی جین ریگولیٹری نیٹ ورک اٹلس ،سرطان کے خلیوں کا ایک انتہائی درست 3ڈی اٹلس، پہلا دماغ کو پڑھنے والا ایک 2 لسانی آلہ شامل ہے جو بولنےمیں مشکلات کے شکار افراد کو دوبارہ بولنے کے قابل بناتا ہے۔اس کے ساتھ اسپیس ایکس کے اسٹارشپ کی 5ویں آزمائشی پرواز شامل ہے جس نے اپنے پہلے مرحلے کے راکٹ کو کامیابی سے بحال کیا۔
