چین اور افغانستان کے درمیان 70 سالہ دوستی سے باہمی اعتماد کی مضبوط بنیاد قائم

افغانستان کے دارالحکومت کابل میں چین اور افغانستان کے مابین سفارتی تعلقات کے قیام کی 70 ویں سالگرہ پر تقریب کا منظر۔ (شِنہوا)

کابل (شِنہوا) چین اور افغانستان رواں سال سفارتی تعلقات کے قیام کی 70ویں سالگرہ منا رہے ہیں۔ چین اور افغانستان کے عوام کے درمیان رشتہ نہ صرف ایک مشترکہ سرحد بلکہ باہمی احترام اور پائیدارشراکت داری سے جڑا ہوا ہے۔

چین ایک ہمسایہ ملک کے طور پر افغانستان کی آزادی، خودمختاری، علاقائی سالمیت، افغان عوام کے مذہبی عقائد اور قومی روایات اور افغان عوام کے منتخب کردہ ترقی کے راستے کی  مستقل تائید کرتا ہے اور افغان فریق بھی چین کے بنیادی مفادات کا احترام کرتا ہے۔

افغان عبوری حکومت کے قائم مقام نائب وزیر اعظم مولوی عبد السلام حنفی نے کہا کہ چین اور افغانستان کے درمیان دوستانہ تعلقات کی طویل تاریخ ہے جوتجارت، اقتصادی تعاون اور سیاسی روابط پر مشتمل ہیں۔

حالیہ برسوں میں چین نے افغانستان سے برآمدات پر محصولات میں چھوٹ دی ہے۔ گزشتہ برس گوانگ ژو میں چین کے 136ویں درآمدی و برآمدی میلے کے آغاز سے قبل کئی افغان تاجر روز  افغانستان میں چینی سفارت خانے کے باہر کاروباری ویزوں کی درخواست دینے کے لئے قطار میں لگے ہوتے تھے۔

ان کا مقصد چین اور افغانستان کے درمیان  تجارتی تعلقات میں مستحکم ترقی سے پیدا شدہ مواقع سے فائدہ اٹھاناتھا۔ افغان زعفران، ہاتھ سے بنے قالین، چلغوزے اور قیمتی پتھرچین کے مختلف شہروں میں ہونے والی نمائشوں میں اکثر نظر آتے ہیں۔

اس دوران، چینی اداروں نے افغانستان کے انفراسٹرکچر اور کابل۔جلال آباد ہائی وے، کابل کے دارالحکومت میں جمہوریت ہسپتال، اور کابل یونیورسٹی میں تدریسی عمارت اور آڈیٹوریم جیسے عوامی فلاحی منصوبوں میں اہم سرمایہ کاری کی ہے۔