ایف آئی اے نے یونان کشتی حادثے میں ملوث انسانی سمگلر سمیت 9ملزمان کو گرفتار کر لیا۔ ترجمان کے مطابق ایف آئی اے نے گوجرانوالہ اور گجرات میں مختلف کارروائیوں کے دوران یونان کشتی حادثے میں ملوث انسانی سمگلر سمیت 9ملزمان کو گرفتار کرلیا جن کی شناخت محمد شفیق، عظمت علی، خضر حیات، مرزا سکندر، محمد نواز، شاہد امین، شہزاد یوسف، ظفر اقبال اور اسد عباس کے ناموں سے ہوئی ہے۔
ترجمان کے مطابق یونان کشتی حادثے میں ملوث ایجنٹ ظفر اقبال کو منڈی بہائوالدین سے گرفتار کیا گیا ہے جو انسانی سمگلنگ میں ملوث عالمی گینگ کا رکن ہے۔ ترجمان نے بتایا کہ ملزم بچوں کے اغوا اور بیرون ملک بھجوانے میں ملوث پایا گیا ہے۔
