وزیراعظم شہباز شریف نے کہا ہے کہ بینظیر بھٹو شہید جمہوریت کی علمبردار، مکالمے ،مفاہمت کی مضبوط حامی اور ہمت و استقامت کی علامت تھیں۔شہید بینظیر بھٹو کی 17 ویں برسی پر انہیں خراج عقیدت پیش کرتے ہوئے وزیراعظم شہباز شریف نے کہا کہ شہید بی بی جمہوریت کی علمبردار، سیاسی عمل میں مکالمے اور مفاہمت کی مضبوط حامی تھیں وہ ہمت اور استقامت کی علامت بنیں۔
انہوں نے کہا کہ میثاق جمہوریت بینظیر بھٹو اور نواز شریف کی پائیدار سیاسی سمجھ بوجھ کا ثبوت ہے۔ انہوں نے کہا کہ میں بی بی شہید کی برسی کے موقع پر ان کے خاندان، خاص طور پر آصف زرداری،چیئرمین بلاول بھٹو اور پیروکاروں کو دل کی گہرائیوں سے خراج تحسین پیش کرتا ہوں جو فخر کے ساتھ ان کے وژن اور ان کے نظریات کو آگے بڑھا رہے ہیں۔
