قومی اسمبلی میں اپوزیشن لیڈر عمر ایوب خان نے کہا ہے کہ دیکھنا ہو گا یہ کمیٹی بااختیار ہے یا نہیں، ہمارے مطالبات حکومت کے سامنے ہیں، ڈیمانڈ آئی تو اس پر سوچیں گے۔ میڈیا سے گفتگو کرتے ہوئے مذاکراتی کمیٹی سے متعلق سوال پر انہوں نے کہا کہ بانی پی ٹی آئی نے کمیشن بنانے کا مطالبہ سامنے رکھا ہے، دیکھنا ہوگا مذاکرات کو لے کر حکومت کی سنجیدگی کتنی ہے۔ سول نافرمانی کی تحریک کے حوالے سے عمر ایوب خان نے کہا کہ تحریک سے متعلق تمام فیصلوں کا اختیار بانی پی ٹی آئی کو ہے، تحریک پربانی پی ٹی آئی سے ملاقات کے بعد ہی کوئی موقف یا رائے دی جا سکتی ہے۔
