وزیراعظم شہباز شریف نے قومی اسمبلی اجلاس میں وفاقی وزراء کی غیر حاضری کا نوٹس لیتے ہوئے حاضری یقینی بنانے کی ہدایت کردی۔ذرائع کے مطابق وزیراعظم شہباز شریف نے وفاقی وزراء کی ایوان میں غیر حاضری بارے ڈپٹی سپیکر کی جانب سے لکھے گئے خط پر نوٹس لیتے ہوئے وزراء کو پارلیمانی کارروائی میں حاضری یقینی بنانے کی ہدایت کردی۔
وزیراعظم کی جانب سے وفاقی وزراء کو لکھے گئے خط میں کہا گیا ہے کہ وزراء کی ایوان میں غیر حاضری سے احتساب کے اصولوں اور شفافیت کے عمل کو نقصان پہنچتا ہے، وزراء کے ایوان میں حاضر نہ ہونے سے عوام کے جمہوری اداروں پر اعتماد کو بھی نقصان پہنچے کا خدشہ ہے۔
وزیراعظم نے کہا کہ وزرا کا اپنے ماتحت افسران کو آئینی ذمہ داریاں دینا قابل قبول نہیں، یہ عمل وزراء کی جانب سے گورننس میں غیر سنجیدگی بھی ظاہر کرتا ہے۔ وزیراعظم نے آفیشل معاملات کیلئے وزراء کو پارلیمنٹ چیمبر میں موجودگی یقینی بنانے ،وقفہ سوالات اور ایوان میں بحث کے دوران دیگر میٹنگز میں عدم شرکت کی ہدایت کی۔
