سری لنکا کو چین سے موصول ہونے والے کپڑے کی کھیپ دیکھی جاسکتی ہے۔ (شِنہوا)
کولمبو (شِنہوا) سری لنکا کو چین سے کپڑے کی ایک کھیپ موصول ہوئی ہے جو اسکول یونیفارم کے لئے ایک بڑی امداد کا حصہ ہے۔ اس سے 2025 میں تقریباً 46 لاکھ اسکول بچوں کو فائدہ ہوگا۔
اس ضمن میں کولمبو انٹرنیشنل کنٹینر ٹرمینلز پر ایک تقریب ہوئی جس میں سری لنکا میں چینی سفیر چھی ژن ہانگ نے کھیپ سری لنکا کی وزیر اعظم ہرینی اماراسوریہ کے حوالے کی۔
اماراسوریہ نے کہا کہ تعلیم ہمیشہ سے سری لنکا کی اولین ترجیح رہی ہے اور یہ ملک کی تبدیلی کے ستونوں میں سے ایک ہے۔ انہوں نے چین کی جانب سے سری لنکا کی اگلی نسل کے لئے بے لوث امداد پر بھرپور شکریہ ادا کیا۔
سری لنکا میں چینی سفیرچھی نے کہا کہ اس کپڑے سے تیار ہونے والے اسکول یونیفارم چین اور سری لنکا کے مشترکہ وژن کی علامت ہوں گے۔ انہوں نے امید ظاہر کی کہ ہر بچے کو سیکھنے، بڑھنے اور ایک بہتر مستقبل کا موقع ملے۔
2022 میں چینی حکومت نے اقتصادی مشکلات کا شکار سری لنکا کو ہنگامی انسانی ہمدردی امداد دینے کا فیصلہ کیا تھا۔
