وزیراعظم شہباز شریف نے ملائیشیا میں سیلاب کی تباہ کاریوں پرافسوس کا اظہار کرتے ہوئے کہاہے کہ دکھ کی گھڑی میں ملائیشین عوام کیساتھ کھڑے ہیں،ماحولیاتی تبدیلی کے مضر اثرات دنیا کو لپیٹ میں لے رہے ہیں،روکنے کیلئے دنیا کو متحد ہو کر اقدامات کرنا ہونگے۔
جاری بیان میں وزیر اعظم شہباز شریف نے ملائیشیا میں سیلاب کی تباہ کاریوں پر دکھ اور افسوس کا اظہار کرتے ہوئے کہا ہے کہ پاکستان اور ملائیشیا دیرینہ دوست اور برادر ممالک ہیں، ملائیشیا کے وزیر اعظم داتو سری انور ابراہیم پاکستان کے دوست ہیں۔ انہوں نے کہا کہ مشکل کی گھڑی میں پاکستان ملائیشیا کی عوام کو تنہاء نہیں چھوڑے گا، ہم ان کے ساتھ کھڑے ہیں۔
انہوں نے کہا کہ ہم اپنے مصیبت زدہ بہن بھائیوں کی مدد کریں گے۔وزیراعظم نے سیلاب سے30 ہزار سے زائد متاثرہ افرادسے ہمدردی کا اظہار کرتے ہوئے کہا کہ ماحولیاتی تبدیلی کے مضر اثرات پوری دنیا کو اپنی لپیٹ میں لے رہے ہیں،ماحولیاتی تبدیلی روکنے کیلئے دنیا کو متحد ہو کر اقدامات کرنا ہوں گے۔
