یورپی مصنوعات پر چین کے اینٹی ڈمپنگ اقدامات ڈبلیو ٹی او قوانین کے مطابق ہیں،وزارت تجارت

چین کی وزارت تجارت نے کہا ہے کہ یورپی یونین (ای یو) کی بعض درآمدات پر اس کے عارضی اینٹی ڈمپنگ اقدامات عالمی تجارتی تنظیم (ڈبلیو ٹی او) کے قوانین کے مطابق ہیں-(شِنہوا)

بیجنگ(شِنہوا)چین کی وزارت تجارت نے کہا ہے کہ یورپی یونین سے آنے والی مخصوص الکوحل درآمدات پر اس کے عارضی اینٹی ڈمپنگ اقدامات عالمی تجارتی تنظیم (ڈبلیو ٹی او) کے قوانین کے عین مطابق ہیں۔

ڈبلیو ٹی او کے تنازعات کے تصفیے کے طریقہ کار کے ذریعے ان اقدامات پر دائر مشاورت کے لئے یورپی یونین کی درخواست کے بارے میں میڈیا کے ایک سوال کے جواب میں وزارت تجارت کے ایک عہدیدار نے کہا کہ چینی فریق ڈبلیو ٹی او کے قوانین کے مطابق اس معاملے کو حل کرے گا۔

عہدیدار نے اس بات کا اعادہ کیا کہ ڈبلیو ٹی او کے رکن کی حیثیت سے چین نے منصفانہ اور آزاد تجارت کے تحفظ کے لئے ہمیشہ احتیاط اور تحمل کے  ساتھ اقدامات کا استعمال کیا ہے۔

عہدیدار نے کہا  کہ عارضی اینٹی ڈمپنگ اقدامات مقامی صنعت کی درخواست پر اور منصفانہ، غیر جانبدارانہ تحقیقات کے بعد چینی قوانین کے مطابق کئے گئے تھے۔

عہدیدار نے کہا کہ چینی حکومت کی ذمہ داری ہے کہ وہ اپنی مقامی صنعتوں کے جائز حقوق اور مفادات کا تحفظ کرے۔