فجی کے سووا میں لوگ عوامی جمہوریہ چین کی تجارتی نمائش 2024 کا دورہ کررہے ہیں۔ (شِنہوا)
سووا(شِنہوا) فجی کے دارالحکومت سووا میں عوامی جمہوریہ چین تجارتی نمائش 2024 کا انعقاد کیا گیا جس نے چین اور فجی کے کاروباری اداروں کے درمیان تعاون اور رابطے کے لئے ایک پلیٹ فارم قائم کر دیا۔جمعرات سے اتوار تک جاری رہنے والی نمائش سووا کے ووڈافون ایرینا میں منعقد ہوئی جس کا نمائشی رقبہ 1 ہزار 600 مربع میٹر تھا۔
30 سے زائد چینی اداروں نے شہری سہولیات کی تعمیر ، گاڑیوں، قابل تجدید توانائی، عام مشینری، الیکٹرانک رابطے ، برقی آلات اور آبی زراعت سمیت مختلف شعبوں میں اپنی جدید ترین مصنوعات، ٹیکنالوجیز اور خدمات کی نمائش کی۔
نمائش میں چین۔ فجی جونکاؤ ٹیکنالوجی مظاہرہ مرکز کا مشروم کی کاشت کا بوتھ مقامی افراد کی توجہ کا مرکز بنا رہا۔
فجی کا ایک 75 سالہ شہری ایلوسیو تواکیووڈوا اپنے ساتھی شہریوں کو چینی مشروم کی کاشت کی ٹیکنالوجی کی فروغ سے متعلق بتانے میں کافی پرجوش تھا۔
تواکیووڈوا نے شِنہوا کو بتایا کہ اس نے اپنے گاؤں سے سووا تک سفر کیا تاکہ وہ تقریب میں شریک ہوکر مرکز سے سیکھنے کے بعد رضاکارانہ طور پر رہنمائی کرسکے۔
