امریکا کے نومنتخب صدر ڈونلڈ ٹرمپ نے غیر قانونی تارکین وطن کو نکالنے کے فیصلے پر عملدرآمد کا عندیہ دیتے ہوئے کہا ہے کہ غیر قانونی تارکین وطن کی بے دخلی کا وقت آ گیا ہے،یہ امریکی تاریخ کی سب سے بڑی بے دخلی ہو گی۔
غیر ملکی میڈیا کے مطابق ٹرمپ نے غیر قانونی افراد کو جبری بے دخل کرنے کے حوالے سے ملک میں ہنگامی حالت نافذ کرنے کی تیاری کر لی ہے۔ ٹرمپ نے کہا ہے کہ بے دخلی کے لیے فوج کی خدمات بھی حاصل کی جائیں گی۔ یاد رہے امریکی انتخابات کے دوران اپنی متعدد انتخابی مہم میں ڈونلڈ ٹرمپ نے کہا تھا کہ سب سے پہلے ان افراد کو بے دخل کیا جائے گا جو کسی جرم میں ملوث ہوں گے وہ امریکا کو غیر قانونی افراد سے پاک کریں گے
