لاہور ہائیکورٹ میں ملک میں کم از کم اجرت ایک ہزار ڈالر کرنے کیلئے درخواست دائر کردی گئی۔شہری کی جانب سے دائر درخواست میں وزیر اعظم اور تمام وزرائے اعلی کو فریق بناتے ہوئے موقف اپنایا گیا ہے کہ حکومت کی جانب سے پاکستان میں کم از کم تنخواہ 37ہزار روپے ماہانہ مقرر کی گئی ہے،
پاکستان میں 32لاکھ سرکاری اور تقریبا 8کروڑ نجی ملازمین ہیں، درخواست میں کہا گیا ہے کہ پاکستان کے لیبر قوانین میں فوری ترامیم کی ضرورت ہے،تنخواہوں میں اضافے سے شہریوں کی قوت خرید بڑھے گی۔درخواست میں استدعا کی گئی ہے کہ عدالت پاکستان میں ایک ہزار ڈالر کے برابر ماہانہ تنخواہ مقرر کرنے کا حکم دے اور کم سے کم اجرت 37ہزار روپے مقرر کرنے کا نوٹی فکیشن معطل کرے۔
