وفاقی دارالحکومت اور خیبر پختونخوا کے مختلف علاقوں میں 5.3شدت زلزلے کے جھٹکے محسوس کئے گئے ہیں۔زلزلہ پیما مرکز کے مطابق بدھ کی صبح 10 بج کر 13 منٹ پر اسلام آباد اور خیبرپختونخوا کے مختلف علاقوں اٹک، سوات، ایبٹ آباد، پشاور، شانگلہ، بونیر، مہمند، شبقدر، مالاکنڈ اور مردان میں 5.3 شدت زلزلے کے جھٹکے محسوس کئے گئے۔
زلزلہ پیما مرکز کے مطابق زلزلے کا مرکز ہندوکش ریجن افغانستان تھا جس کی زیر زمین گہرائی 220 کلو میٹر تھی۔ زلزلے کے بعدلوگ خوف وہراس کا شکار ہوکرکلمہ طیبہ کا ورد کرتے گھروں اور دفاتر سے باہرنکل آئے،ابتدائی طور پر کسی جانی و مالی نقصان کی اطلاع موصول نہیں ہوئی ہے۔
