ایڈیلیڈ: پاکستان کرکٹ ٹیم کے وائٹ بال فارمیٹ کے کوچ جیسن گلیسپی کہا ہے کہ میں نے وائٹ بال فارمیٹ میں صرف عبوری کوچنگ کی ذمہ داری سنبھالی ہے، ابھی اس وقت وائٹ بال فارمیٹ میں مستقل کوچنگ کرنے کا خواہشمند نہیں ہوں۔
آسٹریلوی میڈیا سے گفتگو کے دوران انہوں نے کہا کہ پاکستان کرکٹ میں صر ف ریڈ بال کی کوچنگ کرنے کا مقصد ہی یہ تھا کہ میں اپنی فیملی کے ساتھ وقت گزار سکوں، مجھے کوچنگ سے محبت ہے، مگر میں یہ سمجھتا ہوں کہ 11 مہینوں تک گھر سے باہر نہیں رہ سکتا، میں نہیں سمجھتا کہ ذہنی طور پر بھی میں یہ سب ہینڈل کرسکوں گا۔
انہوں نے کہامیں نے وائٹ بال فارمیٹ کی کوچنگ کے لیے اپنا نام نہیں دیا ہے۔ یاد رہے کہ ریڈ بال فارمیٹ کے کوچ جیسن گلیسپی کو دورہ اسٹریلیا کے لیے وائٹ بال کوچ بنایا گیا تھا۔
