پاکستان سمیت دنیا بھر میں منگل کو سونامی سے آگاہی کا عالمی دن منایا گیا۔میڈیا رپورٹ کے مطابق پاکستان سمیت دنیا بھر میں منگل کو سونامی سے آگاہی کا عالمی دن منایا گیاجس کا مقصد خوفناک طوفان سے ہونیوالی تباہی سے بچاؤ کیلئے شعور بیدار کرنا ہے۔
رپورٹ کے مطابق سونامی ایسی قدرتی آفت ہے جو شاذ ونادر ہی آتی ہے مگر اس کے آنے پر شہر کے شہر اجڑ جاتے ہیں، سندھ اور مکران کی ساحلی پٹی پر یوریشین اور انڈین پلیٹس ملتی ہیں، یہ سبڈکشن زون زلزلوں کیلئے مشہور ہیں اور سونامی پیدا کرتے ہیں، 1945ء میں مکران میں ریکٹر سکیل پر 8شدت کے زلزلے کے نتیجے میں آنیوالے سونامی کے باعث کراچی، گوادر، ایران اور عمان کے ساحلوں کے نزدیک آباد تقریبا 4ہزار افراد ہلاک ہوئے تھے۔محکمہ موسمیات کے زیر انتظام ارلی سونامی وارننگ 24گھنٹے زلزلوں کی مانیٹرنگ کرتا ہے، یہاں سائرن بجا کر
مشقیں بھی کی جاتی ہیں جس میں بچوں سمیت مقامی افراد کو سونامی آنے کی صورت میں ہنگامی صورتحال سے نمٹنے کی تربیت دی جاتی ہے۔ماہرین کے مطابق سونامی کی صورت میں گوادر اور پسنی کو 10سے 15منٹ جبکہ کراچی کو حفاظتی تدابیر کیلئے 70سے 72منٹ ہی مل سکیں گے۔
