چین کے مشرقی صوبے شان ڈونگ کے ضلع جیمو کے شہر چھنگ ڈاؤ میں ایک ٹیکسٹائل کمپنی کا کارکن کام میں مصروف ہے۔(شِنہوا)
بیجنگ(شِنہوا)چین کے پیداواری شعبے کی بڑھوتری مسلسل 5 ماہ کے سکڑاؤ کے بعد اکتوبر میں بحال ہوگئی۔
چین کے قومی ادارہ برائے شماریات (این بی ایس) نے جمعرات کو ایک بیان میں کہا ہے کہ چین کے پیداواری شعبے کا پرچیزنگ منیجرز انڈیکس (پی ایم آئی) اکتوبر میں 50.1 رہا جو ستمبر کے 49.8 سے زیادہ ہے جبکہ یہ مئی کے بعد پہلی بار 50 کی حد عبور کرگیا۔
این بی ایس کے ماہر شماریات ژاؤ چھنگے نے ان اعدادوشمار پر تبصرہ کرتے ہوئے کہا کہ اکتوبر میں چین کی معاشی صورتحال میں بہتری کا رجحان جاری رہا کیونکہ مراعاتی پالیسیوں کا ایک نیا پیکیج متعارف کرایا گیا اور موجودہ پالیسیاں بھی آہستہ آہستہ نافذ ہوئیں۔
