آذربائیجان نے پاکستان کی مسلح افواج کی پیشہ ورانہ مہارت و قربانیوں کو سراہتے ہوئے پاکستان کیساتھ گہرے تعلقات استوار کرنے کیلئے تعاون کو وسعت دینے کا عزم کیا ہے۔آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا نے دورہ آذربائیجان کے دوران آذربائیجان کے صدر الہام علیوف سے ملاقات کی جس میں دونوں ممالک کے درمیان گہرے و تاریخی تعلقات مضبوط کرنے پر بات چیت کی گئی۔
ملاقات میں خطے کی سیکیورٹی اور متعدد شعبوں میں تعاون بڑھانے کے امور پر بھی تبادلہ خیال کیا گیا۔آئی ایس پی آر کے مطابق دورے کے دوران ملاقاتوں میں پاکستان اور آذربائیجان کے درمیان فوجی تعاون بڑھانے کی اہمیت کو اجاگر کرتے ہوئے امن و استحکام کیلئے اجتماعی عزم کا اعادہ کیا گیا۔بیان کے مطابق آذربائیجان کی قیادت نے پاکستان کی مسلح افواج کی پیشہ ورانہ مہارت اور قربانیوں کو سراہتے ہوئے پاکستان کے ساتھ گہرے تعلقات استوار کرنے کے لیے تعاون کو وسعت دینے کا عزم کیا۔
