میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ پی ٹی آئی جمہوری جماعت ہے جس میں ورکرز اور لیڈرشپ کی ایک جیسی حیثیت ہے، ہماری جماعت میں لیڈرشپ اور ورکرز کی ہر بات کو سنا جاتا ہے، ہم لوگوں پر بات کرنے کی پابندی نہیں لگاتے۔
انہوں نے کہا کہ پارٹی کے معاملات پارٹی کے اندر ہی حل ہونے چاہئیں،پی ٹی آئی میں کوئی فارورڈ بلاک نہیں، اختلاف نہیں، اختلاف رائے ضرور ہے۔انہوں نے کہا کہ ہم سب بانی پی ٹی آئی کی قیادت میں متحد ہیں۔ ایک سوال پر انہوں نے کہا کہ فواد چودھری کی پارٹی میں واپسی کا فیصلہ بانی پی ٹی آئی عمران خان کریں گے۔
