فلسطین کی مزاحمتی تنظم حماس کے یحیی سنوار کی شہادت کے بعد بھی حوصلے بلند، مجاہدین نے ہتھیار ڈالنے سے انکار کر تے ہوئے کہا ہے کہ اسماعیل ہانیہ اور یحیی سنوار کی شہادت کے بعد ہمارے پاس کھونے کے لیے کچھ نہیں بچا۔
اسرائیلی میڈیا کی رپورٹ کے مطابق غزہ میں اسرائیلی فوج سے جھڑپ میں حماس کے سینئر رہنما یحیی سنوار کی شہادت کے بعد دوحہ میں مقیم اس کے عہدے داران میں یہ احساس پیدا ہوا ہے کہ ان کے پاس اب کھونے کے لیے کچھ نہیں بچا۔ رپورٹ کے مطابق یہ سوچ اور فکر یرغمالیوں کی رہائی کیلئے ہونے والے مذاکرات پر اثر انداز ہوگی اور حماس کے نقطہ نظر پر گہرے اثرات مرتب کرے گی، کیونکہ وہ تاحال قیدیوں کو چھوڑنے کیلئے اپنی شرائط پر ڈٹے رہنے کا ارادہ رکھتے ہیں، جن میں سے اولین شرط غزہ میں مستقل جنگ بندی ہے۔
