حماس نے اسماعیل ہانیہ اور یحییٰ سنوار سمیت اعلی جہادی رہنماؤں کی اسرائیلی حملوں میں شہادت کے بعد پرانی حکمت عملی اپناتے ہوئے تنظیم کی قیادت پانچ رکنی کمیٹی کے سپرد کردی ہے۔5رکنی کمیٹی میں خلیل الحیا، خالد مشعل، ظاہر جبرین، شوری کونسل کے سربراہ محمد درویش جبکہ ایک نامعلوم شخصیت شامل ہے۔
ان پانچ میں سے غزہ کے تین مقامی سربراہ اور دو دیگر عہدے دار شامل ہیں۔رپورٹ کے مطابق غزہ کی پٹی کے ذمہ دار خلیل الحیہ، مغربی کنارے کے ذمہ دار زاہر جبارین، تنظیم کے امور خارجہ کے ذمہ دار خالد مشعل، مجلس شوری کے سربراہ محمد درویش اور پانچویں رکن جو تنظیم کے سیاسی دفتر کے سیکرٹری جنرل ہیں کا نام ظاہر نہیں کیا گیا،
تمام ذمہ داران قطر میں موجود ہیں جہاں حماس کا سیاسی دفتر قائم ہے۔کمیٹی کو جنگی شوری کی حیثیت حاصل ہوگی اور مارچ 2025ء میں تنظیمی انتخابات تک یہی کمیٹی حماس کی قیادت کرے گی۔
