الیکشن کمیشننے خیبر پختونخوا میں ہوانے والے ضمنی بلدیاتی انتخابات کے حوالے سے ضوابط جاری کردیے ہیں۔ ترجمان الیکشن کمیشن کے مطابق 20 اکتوبر 2024 کوصوبہ خبیر پختونخوا میں منعقد ہونے والے دوسرے ضمنی بلدیاتی الیکشن کی مختلف نشستوں پر حصہ لینے والی تمام سیا سی جماعتوں اور امیدواروں کو مطلع کیا گیاہے کہ الیکشنز ایکٹ 2017 کے سیکشن 182 کے مطابق 18 اکتوبر کی شب 12 بجے کے بعد کوئی بھی شخص کسی بھی جلسے، جلوس، کارنر میٹنگ یا اس نوعیت کی سیا سی سرگرمی کا انعقاد کرے گا اور نہ ہی اس میں شرکت ۔مذکورہ بالاوقت کے بعدسیا سی مہم، اشتہارات ودیگر تحریری مواد جس سے کسی خاص سیاسی جماعت یا امیدوار کی حمایت یا مخالفت کا شبہ ہو، کی الیکٹرانک اور پرنٹ میڈیا پر تشہیر پر پابندی ہے۔ کوئی بھی شخص جو قانون کی مذکورہ بالا شق کی خلاف ورزی کرے گا، اس کے خلاف کاروائی عمل میں لائی جائے گی۔ اسی طرح میڈیا پولنگ کے اختتام کے ایک گھنٹہ گزرنے کے بعد انتخابی نتائج نشر کر سکتا ہے جس میں واضح طور پر بتایا جائے گا کہ یہ غیر حتمی وغیر سرکاری نتائج ہیں۔
