عالمی بینک نے 26 غریب ترین ممالک کے قرضوں میں ڈوبے ہونے کا انکشاف کیا ہے۔عالمی بینک کی رپورٹ کے مطابق دنیا کے 26غریب ترین ممالک میں 40فیصد سے زائد آبادی غربت کا شکار ہے، یہ ممالک 2006ء کے بعد سے کسی بھی وقت کے مقابلے میں زیادہ قرضوں میں ڈوبے ہوئے ہیں۔رپورٹ کے مطابق ایسے غریب ترین ممالک میں زیادہ تر ممالک ایتھوپیا سے چاڈ اور کانگو تک سب صحارا افریقہ میں ہیں، لیکن اس فہرست میں افغانستان اور یمن بھی شامل ہیں۔رپورٹ کے مطابق یہ معیشتیں اوسطا آج اس سے زیادہ غریب ہیں جتنی کہ وہ کووڈ 19ء کی وباء سے قبل تھیں۔
