بلوچستان میں کوئلہ کانوں میں کام کرنے والے مزدوروں نے کام بند کردیا۔دکی میں کوئلہ کانوں پر فائرنگ کے واقعات کے نتیجے میں 21 افراد کے جاں بحق ہونے کے بعد کان کن سراپا احتجاج ہیں، مظاہرین نے احتجاجا کوئلہ کانوں میں کام بند کردیا ہے اور مطالبہ کیا ہے کہ 21 کان کنوں کے قاتلوں کو گرفتار کیا جائے، جب تک انہیں سکیورٹی فراہم نہیں کی جاتی وہ احتجاج جاری رکھیں گے۔ کان کنوں کا کہنا ہے کہ ہمارے مزدوروں کو تحفظ دیا جائے اور جب تک تحفظ فراہم نہیں کیا جاتا ہم انہیں کام نہیں کرنے دیں گے۔
