کراچی پریس کلب کے باہر خواتین کے احتجاج میں مظاہرین سے بدتمیزی اور تشدد پر چھ خواتین سمیت 8 پولیس اہلکاروں کو معطل کردیا گیا۔ معطل کیے جانے والے اہلکاروں میں ضلع کیماڑی کے محمد عفان اور سید امین، ضلع جنوبی کی نائلہ رحمن، بی بی مریم، عائشہ رحمن اور ڈسٹرکٹ سٹی کی مصباح راشد، بی بی آمنہ اور حنا گل شامل ہیں۔ ایس ایس پی سی کو معاملے کی انکوائری کی ہدایت کردی گئی ہے۔ حکم نامے میں کہا گیا کہ معطل اہلکاروں کے خلاف متعلقہ ایس ایس پی کو محکمانہ کارروائی کرتے ہوئے 14 روز میں رپورٹ پیش کرنے کی ہدایت کی جاتی ہے۔
