ملک کے مختلف شہروں اسلام آباد، لاہور، سیالکوٹ، فیصل آباد اور ملتان ایئرپورٹس پر جمعہ کو دھند کے باعث حد نگاہ کم ہونے کے باعث کئی پروازیں منسوخ جبکہ متعدد تاخیر کا شکار ہوگئیں۔
فلائٹ شیڈول کے مطابق انتظامی معاملات کے سبب 2 پروازیں منسوخ جبکہ 34میں تاخیر کی گئی۔
لاہور اور اسلام آباد ایئرپورٹس سے روانگی کی 15 پروازوں میں تاخیر ہوئی۔
فلائٹ شیڈول کے مطابق قومی ایئر کی کراچی اسلام آباد کی 2 پروازوں پی کے 300، 301 میں 5گھنٹے، کراچی سے اسلام آباد کی صبح 7 بجے کی پرواز میںبھی 5 گھنٹے ،نجی ایئر لائن کی اسلام آباد سے ابوظہبی کی 2پروازوں میں 8گھنٹے، نجی ایئر کی اسلام آباد سے ریاض اور جدہ کی 2پروازوں میں 19گھنٹے، لاہور سے بحرین کی قومی ایئر کی 2پروازوں میں 4اور ساڑھے 7گھنٹے، جبکہ لاہور جدہ کی نجی ایئر کی ایک پرواز 19 گھنٹے تاخیر کا شکار ہوئی۔
شیڈول کے مطابق کراچی سے قومی ایئر کی جدہ کی پرواز پی کے 732میں سوا 6گھنٹے جبکہ کراچی سے نجی ایئرکی دبئی کی پروازوں پی اے 110، 111میں 2گھنٹے کی تاخیر ہوئی۔
