لاہور: ڈائریکٹر جنرل پنجاب ڈیزاسٹر مینجمنٹ اتھارٹی (پی ڈی ایم اے)عرفان کاٹھیا نے کہا ہے کہ پنجاب میںسیلاب سے 33 افراد جاں بحق اور 20 لاکھ متاثر ہوئے جبکہ 2200 دیہات زیر آب آ گئے، پاک فوج ریلیف اینڈ ریسکیو آپریشن میں اہم کردار ادا کر رہی ہے، ریلیف کیمپس میں موجود افراد کو تمام سہولتیں فراہم کی جا رہی ہیں، ریسکیو آپریشن میں ساڑھے 7 لاکھ افراد کومحفوظ مقام پر منتقل کیا گیا ہے۔
لاہور میں میڈیا سے گفتگو کرتے ہوئے ڈی جی پی ڈی ایم اے عرفان کاٹھیا نے کہاکہ دریائے ستلج میں پانی کا بہا وکم ہو گیا ہے تاہم ستلج اور راوی کا پانی مزید دیہات کو متاثر کرے گا جبکہ دریائے چناب کا پانی مظفرگڑھ ملتان کو متاثر کرے گا، پاکپتن، بہاولنگر، وہاڑی میں (کل)پیر تک ایک لاکھ 35 ہزار کیوسک پانی پہنچے گا، ہیڈسلیمانکی پر پانی بڑھ رہا ہے۔
انہوں نے کہا کہ تریموں بیراج میں پانی کا بہا 3 لاکھ 61 ہزار633 کیوسک ہے، پانی میں ایک لاکھ کیوسک کا اضافہ ہوا ہے۔ عرفان کاٹھیا کا کہنا تھا کہ مون سون کے 9 ویں سپیل نے بھی تباہی مچائی، ہماری ساری توجہ انسانی جانوں کو محفوظ بنانے پر ہے ۔
